Status message

د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په جوزجان کې يوه پوليس افسر ځان وژنه کړې

په جوزجان کې يوه پوليس افسر ځان وژنه کړې

Nov 23, 2017 - 17:59

شبرغان (پژواک، ٢  ليندۍ ٩۶): د جوزجان ځايي چارواکي وايي چې د دغه ولايت په خانقاولسوالۍ کې  نن سهار يوه پوليس  افسر ځانوژنه کړې ده.

د جوزجان د والي وياند محمد رضا غفوري وايي چې يو ځوان ساتنمن چې د خانقا ولسوالۍ په امنيې قوماندانۍ کې يې دنده ترسره کوله، نن سهار د يادې قوماندانۍ د ډوډۍ خوړلو سالون ته تللى، له اشپز  سره يې څو خبرې کړې او  په پاى کې يې ورته ويلي چې " ځان وژنم"

د غفوري په وينا، د پوليسو دغه افسر په داسې حال کې چې خپله خبره خلاصوي، وسله خپل ځان ته نيسي او مخکې له دې چې اشپز يې مخه ونيسي، پر ډزو ځان وژني.

هغه زياته کړه چې پلټونکې ډلې په دې اړه څېړنې پيل کړې، خو تر اوسه نه ده څرګنده چې دغه پوليس افسر ولې خپل ځان وژلى دى.

د جوزجان د امنيې قوماندانۍ د امنيت امر سمونوال عبدالحفيظ خاشي وويل، خواجه مصطفى چې د پوليسو په جوړښت کې يې نوى فعاليت پيل کړى و، له پوره روغتيا څخه برخمن و.

هغه زياته کړه: "هېڅ داسې نښې نښانې چې د هغه د ذهني تکليف ښودنه وکړي، د نوموړي په څېره کې د هغه د همکارانو او خپلوانو له خوا نه دي ليدل شوې او تر اوسه روښانه نه ده چې هغه ولې دغه کار کړى دى."

خاشي وويل چې د دې قضيې په اړه څېړنې روانې دي، خو تر اوسه يې د لامل په اړه څه اسناد نه دي ترلاسه شوي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement