د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

سمنګان کې د دوو قوماندانانو تر منځ د نښتې له امله شپږ کسانو ته مرګ ژوبله اوښتې

سمنګان کې د دوو قوماندانانو تر منځ د نښتې له امله شپږ کسانو ته مرګ ژوبله اوښتې

Sep 03, 2017 - 09:38

ايبک(پژواک، ۱۲ وږی ۹۶):  سمنګان کې د دوو ځايي قوماندانانو تر منځ د پهلوانۍ لوبې پر مهال د رامنځته شوې شخړې او نښتې له امله دوه کسان وژل شوي او څلور نور ټپيان دي.

د سمنګان د دره صوف پايين ولسوالۍ سرپرست انجنير قربان پژواک خبري اژانس ته وويل، تېره ورځ مازيګرمهال د قوماندان الماس او قوماندان رشيد تر منځ د دې ولسوالۍ د توقسن په بازار کې د پهلوانۍ  لوبې پر مهال شخړه رامنځته شوه او دواړو خواوو پر يو بل ډزې وکړې.

هغه زياتوي، د ډزو په پايله کې دوه ملکي وګړي وژل شوي او څلور نور ټپيان دي.

د ده په وينا، دا مهال جګړه نشته او سيمه د پوليسو تر کنټرول لاندې ده.

قوماندان الماس چې په دې سيمه کې د ولسي پاڅوانوالو له قوماندانانو څخه دی پژواک خبري اژانس ته وويل،   د لوبو په ميدان کې د ده او قوماندان رشيد چې د نامسووله وسله والې ډلې قوماندان دی، شخړه رامنځته شوې ده.

دی زياتوي، د ډزو په پايله کې د ده د پلويانو له ډلې يو تن وژل شوی او بل ټپي او د قوماندان رشيد له پلويان بيا يو تن وژل شوی او درې نور ټپيان دي.

د يادونې ده چې دغه دوه قوماندانان له کلونو راهيسې له يوبل سره دښمني لري.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement