د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د ګردېز برید کې تر اوسه درې پولیس وژل شوي او ۲۰ ملکي وګړي ټپیان دي

د ګردېز برید کې تر اوسه درې پولیس وژل شوي او ۲۰ ملکي وګړي ټپیان دي

Jun 18, 2017 - 08:31

لومړى تعقيب- ګردېز (پژواک، ٢٨ غبرګولى ٩٦): د پکتيا په مرکز ګردېز کې د امنيتي ځواکونو د عمومي مرکز مخې ته د موټربم چاودنې له امله درې پوليس وژل شوي او ٢٠ ملکي وګړي ټپيان دي.

د پکتيا د والي وياند سردارولي تبسم د غبرګولي په ٢٨مه پژواک خبري اژانس ته وويل چې د دغه ولايت د امنيتي ځواکونو د عمومي مرکز مخې ته نن سهار شاوخوا اووه بجې د موټربم چاودنه وشوه.

تبسم وايي چې تر چاودنې وروسته د وسله والو او امنيتي ځواکونو تر منځ جګړه پيل شوې ده.

د هغه په وينا چې د چاودنې پر مهال درې پوليس وژل شوي او څلور نور ټپيان دي.

د پېښې په ځای کې امنيه قوماندانۍ، د پوليسو د ځانګړو ځواکونو قطعه، د عامه نظم قوماندانۍ او د ٢٠٣ تندر قول اردو مرکزونه دي.

په سيمه کې د پېښې يوه عيني شاهد محمد اسلم پژواک ته وويل چې چاودېدونکي په مازدا موټر کې ځاى پر ځاى شوي وو او چاودنه یې ډېره درنه وه.

هغه وايي: ((د چاودنې له امله د شاوخوا کورنو ښيښې هم ماتې شوې دي.))

دغه راز د پکتيا د ملکي روغتون يوې سرچينې پژواک ته وويل چې له يادې چاودنې تر اوسه دوى ته ٢٠ ملکي ټپيان ور وړل شوي دي.

وسله وال طالبانو د دغه بريد مسووليت اخيستى دى.

د دې ډلې وياند ذبيح الله مجاهد پژواک ته وويل چې طالبانو لومړى د موټربم چاودنه کړې او بيا د امنيتي ځواکونو عمومي مرکز ته ننوتي دي.

ده وويل چې جګړه روانه ده او په اړه به يې نور جزئيات وروسته ورکړي.

د دې پېښې په اړه به نور جزئيات وروسته خپاره شي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement