د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پوليس يوه نجلۍ ووژله

پوليس يوه نجلۍ ووژله

Jun 10, 2017 - 18:27

سمنګان (پژواک ٢٠ غبرګولى ٩٦): د سمنګان امنيتي مسوولين وايي، د يوه پوليس په ډزو کې يوه شل کلنه نجلۍ وژل شوې ده.

د سمنګان د ملي امنيت رياست يوه کارکوونکي محمد ناصر، پژواک خبري اژانس ته وويل چې نن ماسپښين شاوخوا يوه بجه يو شمېر پوليسو د ده کور کلابند کړى او بيا يې ډزې کړې دي، چې په ترڅ کې يې د ده شل کلنه خور وژل شوې ده.

د سمنګانو د امنيتي حوزې د لومړۍ حوزې امر سمونمل عبدالعليم بېک، پژواک ته د پوليس له خوا د يادې نجلۍ وژل تاييد کړل او ويې ويل: "پوليسو له دې مخکې خبر ترلاسه کړى و چې په ياد شوي کور کې قمار کېږي او کله چې د امنيه قومندانۍ د جنايي پېښو پر وړاندې د مبارزې مديريت منسوبين له محکمې څخه د جواز ترلاسه کولو وروسته له يوه څارنوال سره ياد شوي کور ته ورغلي، نو هغه ځاى يې کلابند کړى او جوته شوې وه، چې هلته قمار نه کېږي."

د هغه په وينا، په همدې ترڅ کې له يوه پوليس ډزې شوې او يادې شوې نجلۍ په کې ژوند له لاسه ورکړى دى.

ده زياته کړه، ياد شوى پوليس نيول شوى او پېښه تر څېړنې لاندې ده.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement