د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پکتیکا کې د موټربم برید مخه نیول شوې

پکتیکا کې د موټربم برید مخه نیول شوې

Apr 26, 2017 - 17:10

ښرنه- ګردېز (پژواک، ٦ غويی ٩٦): د ملي امنيت ځواکونو د پکتيکا په يوسف خېلو ولسوالۍ کې د يو موټربم او ډله ييز بريد مخنيوى کړی بلخوا په پکتيا کې اته وسله وال نيول شوي دي.

په مرکز ښرنه کې د ملي امنيت رياست يوې سرچينې د غويي په ٦مه پژواک خبري اژانس ته وويل، تېره شپه وسله والو طالبانو پلان درلود چې د يو موټربم له چاودنې وروسته د يوسف خېلو ولسوالۍ پر ودانۍ بريد وکړي.

هغه وايي چې دغه موټربم د ملي امنيت ځواکونو نيولى خو موټر چلوونکى له سيمې تښتېدلى دى.

هغه زياته کړه: ((کله چې د الله اکبر په دښته کې د امنيتي ځواکونو له خوا موټربم ونيول شو، نو طالبان هم له سيمې پر شا شول او له بريد څخه تېر شول.))

د هغه په وينا، اوسمهال سيمې ته امنيتي ځواکونه رسېدلي څو د طالبانو د هر ډول بريد مخنيوی وکړي.

د يوسف خېلو ولسوالۍ اوسېدونکي نيازمحمد هم پژواک ته وويل چې د ملي امنيت ځواکونو يو کرولا موټر نيولى چې چاودېدونکي توکي په کې ځاى پر ځاى شوي وو.

هغه نور جزئياتو ور نه کړل.

ياد موټربم د ملي امنيت ځواکونو رسنيو ته هم وښود.

دغه راز د يو بل خبر له مخې، د پکـتيا امنيتي چارواکي وايي چې په ډنډ پټان ولسوالۍ کې يې اته وسله وال نيولي دي.

د پکتيا امنيه قوماندان مل پاسوال توريالي عبدياني پژواک ته وويل چې ياد کـسان امنيتي ځواکـونو له وسلو او يو موټر سره نيولي.

ده ونه ويل چې ياد کسان د کومې وسله والې ډلې اړوند دي، خو په خبره يې چې اوسمهال تر پوښتنو لاندې دي.

نوموړی وايي: ((اته وسله وال له يو موټر سره نيول شوي، اوسمهال تر تحقيق لاندې دي؛ دا کـسان سرحد سره نږدې نيول شوي دي.))

وسله والو طالبانو تر اوسه په دې اړه رسنيو ته څه نه دي ويلي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement