د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د نامسوولو وسله والو قوماندان له مور او ښځې سره وژل شوى

د نامسوولو وسله والو قوماندان له مور او ښځې سره وژل شوى

Mar 22, 2017 - 10:31

تالقان (پژواک، ٢ ورى ٩٥): په تخار ولايت کې د نا مسوولو وسله والو يو ځايي قوماندان له خپلې  مور او ښځې سره يو ځاى وژل شوى دى.

د تخار د امنيه قوماندانۍ وياند سمونيار عبدالجليل اسير  د وري په ٢مه، پژواک خبري اژانس ته وويل چې دا پېښه تېره شپه د خواجه بهاوالدين ولسوالۍ د نواباد په سيمه کې رامنځته شوې ده.

هغه زياته کړه چې ناپېژاندو کسانو په ياده سيمه کې د قوماندان فتاح په نامه د ځايي نامسوول  وسله وال پر کور بريد کړى او هغه يې له مور او ښځې سره وژلى دى.

د نويد په نامه د سيمې يو تن اوسېدونکي پژواک اژانس ته وويل چې قوماندان فتاح په سيمه کې تر ١٥ پورې نامسوول وسله وال درلودل او په درېيو ولسواليو کې يې د جنبش قوماندان ملک تاتار پورې تړاو درلود.

تر اوسه ددې پېښې مسووليت کومې ډلې  نه دى منلى .

د يادونې ده چې په تخار ولايت کې نامسوول وسله وال ډېر دي او تر دې مخکې هم دا ډول پېښې رامنځته شوې دي. 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement