Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

د پکـتيا د اطلاعاتو او کلتور رياست د اداري کمپلېکـس ودانۍ جوړېږي

د پکـتيا د اطلاعاتو او کلتور رياست د اداري کمپلېکـس ودانۍ جوړېږي

By
On
Jul 08, 2017 - 17:10

ګردېز (پژواک، ١٧ چنګاښ ٩٦): د پکـتيا ولايت د اطلاعاتو او کلتور رياست د اداري کمپلېکس د بنسټ ډبره کېښودل شوه چې په بشپـړېدو سره به يې د ځای او اسانتياوو په برخه کې د ياد رياست ستونزې هوارې شي.

د پکـتيا والي شميم خان کټوازي د چنګاښ په ١٧مه د دې ودانۍ د جوړېدو لپاره له هند هېواد مننه وکړه او په ښه کيفيت د چارو په ترسره کېدو يې ټينګار وکړ.

کټوازي د اطلاتو او کلتور رياست د فعاليتونو په اهميت او ارزښت خبرې وکړې او ويې ويل چې د افغاني کلتور، صنعت، موسيقي او نورو اړوندو چارو کې ياد رياست اساسي رول لري او د خپل فرهنګ غوړېدو ته بايد لازم پام او کار وکړي.

هغه زياته کړه: ((اطلات او کلتور زموږ مهمه برخه ده او که دوی ښه کاري ځای او امکانات ولري، نو کار به هم په ښه ډول وکولی شي، هيله من يو چې د دې برخې کار مو ډېر ښه شي؛ موږ هڅه کوو چې په هره برخه کې ښه او باکيفيته کارونه ترسره کړو.))

د پکـتيا ولايت د اطلاعاتو او کلتور رييس محمدشفا مشفق پژواک ته وويل چې دا ودانۍ د هند په ٥٢،٥ ميليونه افغانۍ مالي مرسته جوړېږي.

مشفق وايي، ياد کمپلېکس ٣٣ اداري خونې، د غونډو تالار، روزنځای، ګالري، کتابتون او نور اړين ملحوظات لري چې د دوو افغاني شرکـتونو له خوا به ورغول شي.

دی وايي: ((دوست هېواد هند يې د جوړېدو مرسته کړې، په يو کال کې به يې کارونه بشپـړ شي؛ هغه توقع چې پکـتياوالو لرله، د دې کمپلېکس په جوړېدو به پوره او فرهنګي کارونه به ګړندي شي. زموږ اوسنی ځای ډېر تنګ او نامناسب دی، خو له دې سره به مو ډېری ستونزې حل شي.))

د پکـتيا د اطلاعاتو او کلتور رياست اوسمهال د ښار په مرکزي ساحه کې فعاليت کوي چې د ځای د تنګوالي له امله مناسب نه ګڼل کېږي او د ګالري، کتابتون، ارشيف، موزيم او د ځينو نورو برخو لپاره ځای نه لري.

پکـتيا د هېواد د ځينو نورو سيمو او ولايتونو په څېر ګڼ تاريخي ځايونه او ابدات لري چې ځيني يې د واورو، باران او نورو طبيعي پېښو له امله زيانمن شوي هم دي، خو اړوند وزارت او ادارو ورته تر اوسه هېڅ پام نه  دی کړی.

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update